Si të mbrojmë fëmijët nga përmbajtje të paligjshme në internet?
Rregullat për sigurinë e fëmijëve gjatë lojërave në internet:
1. Aplikoni kontrollet prindërore në mënyrë që të kufizoni llojin e lojërave ku mund të hyjnë fëmijët në internet
2. Sigurohuni që profili i tyre i lojrave të jetë vendosur privat
3. Nëse keni më shumë se një fëmijë, sigurohuni që secili të ketë hapur profilin e tij sipas kufizimeve të moshës.
4. Sigurohuni që të rishikoni udhëzimet e moshës për lojërat që ata po luajnë në internet
5. Kufizoni njerëzit me të cilët mund të flasin në internet kur luajnë ose fikeni opsionin për të komunikuar me të tjerët gjatë lojës
Rregulla për sigurinë e pajisjeve telefonike të fëmijëve:
1. Sigurohuni të kontrolloni aplikacionet e reja të instaluara në telefon. Nëse nuk mund ta bëni këtë, përpiquni të zbatoni një rregull që fëmija juaj duhet të marrë leje nga ju së pari. Në shumicën e rasteve, kërkohet një fjalëkalim përpara se të lejohet një shkarkim.
2. Flisni me fëmijën tuaj për llojin e përmbajtjeve që duhet të kenë më shumë kujdes, si mesazhet ose telefonata nga numra të panjohur, kërkesa miqësie nga persona të panjohur.
3. Sigurohuni që fëmija juaj nuk ua jep numrin e telefonit celular në internet njrëzve të panjohur, pa marrë më parë lejen tuaj.
4. Sigurohuni që ata të kuptojnë të mos postojnë komente të pakëndshme në Internet. Nëse nuk do t’i thoni diçka dikujt personalisht, atëherë mos e bëni atë në internet.
5. Jini të vetëdijshëm për çdo rregull që shkolla ka rreth përdorimit të telefonit celular dhe sigurohuni që fëmija juaj t'i kuptojë ato qartë.
6. Mos lejoni që fëmija juaj të marrë telefonin e tij në shtrat me vete. Kjo gjë jo vetëm që do t'i ndalojë ata të flenë, por ka të ngjarë të çojë në vëmendje të padëshiruar.
Rregulla për të mbrojtur fëmijët nga përdorimi i rrjeteve sociale:
1. Mos e nxisni fëmijën tuaj të përdorë media sociale derisa të arrijë moshën e kërkuar.
2. Sigurohuni që kompjuteri të mbahet në një vend ku mund të shihni aktivitetet e tyre.
3. Vendosni afate kohore për kohën që mund të kalojë fëmija juaj në mediat sociale.
4. Sigurohuni që t’i kushtoni vëmendje përmbajtjeve që ata pëlqejnë, ndajnë dhe postojnë.
5. Bllokoni opsionet e vendndodhjes (location) për aplikacionet ose mediat sociale që përdorin fëmijët.
