Misioni
Teknologjia e Informacionit dhe Komunikimit po sjell ndryshime rrënjësore pozitive në jetën e përditshme të njerëzve dhe ajo çka ne bëjmë për ta formësuar atë siç duhet mund të ndikojë në mënyrë eksponenciale në dobi të njerëzimit. IKTD është një organizatë jo-fitimprurëse, me misionin kryesor të ofrojë mbështetje të rëndësishme për zhvillimin e sektorit të TIK me qëllim nxitjen e punësimit dhe rritjen ekonomike.
Objektivi
Instituti i Teknologjive Digjitale ka për objekt të veprimtarisë së tij të kontribuojë në yhvillimin e një ekosistemi të suksesshëm digjital dhe inovacionit të teknologjisë së lartë që çon në një zhvillim më të shpejtë ekonomik të Republikës së Shqipërisë (në kontekstin ballkanik, mesdhetar, evropian dhe global). Objektivat e Institutit janë: • Të kontribojë në përmirësimin e politikave qeveritare në mënyrë që të krijohet një mjedis stimulues biznesi, i cili do të nxisë përdorimin dhe sipërmarrjen teknologjike si dhe do të tërheqë investitorë në këtë sektor. • Të kontribojë në përmirësimin e arsimit në fushën e TIK, duke krijuar mundësi të reja për të rinjtë dhe femrat, grupet e margjinalizuara, duke kontribuar në arsimimin e të rriturve dhe duke shtuar numrin e talenteve rinore në këtë fushë. Kjo me synimin të ndihmojmë fuqinë punëtore ekzistuese për të rritur njohuritë në fushën digjitale dhe për të mbajtur ritmin e nevojshëm me kërkesat gjithnjë në rritje për njohuritë e domosdoshme digjitale të vendit të punës. • Të ndihmojë sipërmarrëjet e reja në hapat e parë (start-up) dhe ta përshkallëzojë ato në krijimin e bizneseve të reja (p.sh. përmes rrjetëzimit, duke siguruar qasje në këshillim dhe mentorim, duke ofruar hapësira të punës dhe programet përshpejtimin, duke rritur interesin e fondeve investues dhe duke mundësuar burime financiare). • Nxitjen e shkëmbimit të ideve dhe rritjen e bashkëpunimit përmes: -Aktiviteteve Rajonale dhe ndërkombëtare; -Mbështetjen e mundësive për dialog në shkallë kombëtare, për të diskutuar mundësitë dhe adresimin e shqetësimeve direkte dhe indirekte të teknologjive digjitale dhe internetit; -Përdorimi i rrjeteve të përbashkëta të Biznesit dhe Mediave për të rritur vetëdijen e ekosistemit dixhital. Instituti mund të aderojë në iniciativa, koherente me qëllimin e saj social, duke bashkëpunuar me ente publike dhe private, vendase ose të huaja, përfshi dhe universitetet. Grupet e synuara: Instituti i Teknologjive Digjitale do të ofrojë rrjetëzimin e duhur dhe njohuri, do të rrisë mundësitë për punësim për të rinjtë shqiptarë, gratë dhe vajzat, grupet e margjinalizuara, do të mbështesë sipërmarrësit dhe profesionistët në fushën e TIK, përmes kurseve, konferencave, garave, takimeve dhe aktiviteteve të ndryshme, portaleve dhe mediave sociale.
Grupet e synuara
Instituti i Komunikimit dhe Teknologjive Dixhitale do të sigurojë rrjete përkatëse, njohuri, aftësi dhe mundësi punësimi për të rinjtë shqiptarë, gratë, grupet në disavantazh, sipërmarrësit dhe profesionistët e IT përmes kurseve, konferencave, konkurseve, takimeve dhe festivaleve, portaleve dhe mediave sociale.
